Молитвы Власию Севастийскому

Молитва

Житие Власия Севастийского проливает свет на то, каким должен быть истинный праведник. Соответствующий пример святой установил еще при жизни, когда он добровольно сдавался в плен мучителей и гонителей последователей Христа, когда он помогал несправедливо обиженным, страждущим, лишенным свободы.

Сегодня Власий Севастийский почитается наряду с другими великими христианскими святыми. В молитвенном общении у него просят разных благ, в том числе и защиты для животных, исцеления для себя и близких (чаще всего Власия молят об избавлении от болезней горла). Дарует свое заступничество праведник и в иных потребах.

Молитва первая

Преблаженне и приснопамятне священномучениче Власие, дивный страдальче и предстателю наш теплый, по отшествии твоем в жизнь вечную призывающим твое святое имя пособствовати, и во всяких прошениих услышанным быти обещавый!

Се ныне к тебе угоднику Божию, яко ко истинному ходатаю спасения, притекаем и смиренно молимся: предстани нам в помощь, узами грехов связанных, подвигнися на всемощные твоя к Богу молитвы и помолися о нас грешных: тя бо недостойнии, призывати на заступление дерзаем, и желаем от всех грехов наших тобою свобождение получити.

О святче Божий Власие!

В сокрушении и смирении сердца нашего пред тобою припадаем и молимся: осияй нас, омраченных наветы вражиими, светом благодати свыше, да в нем ходяще, не преткнем о камень ног наших.

Тя, яко сосуд в честь избранный и исполненный благодати Божия, молим: сподоби нас грешных от исполнения твоего желаемое прияти, и исцели наша душевныя и телесныя язвы, грехом же нашим прощение и душевному и телесному нашему здравию и спасению полезное у Господа испроси,

да всегда прославляем Отца и Сына и Святаго Духа, и твое милостивое предстательство о душах и телесех наших, ныне и присно и во веки веков.

Аминь.

Молитва вторая

О великий и славный страстотерпче, помощниче наш и теплый заступниче всем с верою притекающим к тебе, святый священномучениче Власие!

Призри от горния славы милостивым оком твоим на предстоящия люди и умильно тебе молящияся, простри теплыя молитвы твоя ко Господу Богу нашему,

испроси у Него прощения согрешений наших, но еже избавитися нам от всегубительной язвы, труса, потопа, огня, меча и вечныя казни, исходатайствуй пред Престолом Господа Вседержителя немощным телесем нашим оставления согрешений, всем же чтущим честную память твою, укрепления на дела благая,

не презри нас недостойных, молящихся тебе пред честною иконою твоею и просящих твоея помощи и заступления, испроси нам вся яже ко спасению нашему полезная, да богоугодная Владыце нашему Иисусу Христу зде творяще,

сподобимся молитвами твоими наследовати Царствие Небесное, идеже вкупе с тобою прославим Единаго в Троице славимаго Бога Отца, и Сына, и Святаго Духа, во веки веков.

Аминь.

Молитва третья

О, многострадальный отче, великий угодниче Божий, священномучениче Власие.

Услыши нас грешных к тебе прибегающих и тепле тебе молящихся.

Буря многих зол, бед и скорбей обдержит нас, болезни душевныя и телесныя и всякие навождения вражия обуревают нас.

Мы же нерадим о спасении нашем, ниже достойны есмы по грехом нашим у Господа помощи просити.

Но ты, добрый пастырю, велие дерзновение имеяй у милостиваго Бога, якоже иногда ведомый на мучения твоя, вдовицы слезящия, приникшия к тебе, не отринул еси, ину бо от напасти зверя свободил еси, иныя же отроку исцеление у Господа испросил еси.

Такожде и ныне призри на чада твоя в час сей к тебе притекшия, утешения и помощи просящия.

Ты убо Господа умолил еси, аще кая болезнь или беда имут кому быти и той помянет имя твое – помощи всякому в прославление Его Пресвятаго Имени.

Не отрини нас, молящихся тебе, но якоже обещался еси, во благо сотвори всякое прошение наше, по милости Всеблагаго Бога, Ему же честь и слава во веки веков.

Аминь.

Оцените статью
bogiisus.com
Добавить комментарий