Молитвы Митрофану Воронежскому

Молитва

Глядя даже на короткое описание жития Митрофана Воронежского, можно смело заявить о том, что этот человек любил правду. Отстаивать ее он был готов, невзирая ни на что. Решимость данного праведника позволила ему стать одним из самых выдающихся гонителей старообрядцев. Прославился он и, как талантливый аскетичный молитвенник, проповедник, вдохновляющий толпы.

Митрофан Воронежский отвечает на все прошения верующих, если те угодны Всевышнему. Тем не менее, чаще всего у него просят помощи в поиске хорошей работы, быстрого и эффективного укрепления материальной базы, избавления от финансовой нужды.

Молитва святому Митрофану о хорошей работе

О святителю отче Митрофане, се мы грешнии, нетлением честных мощей твоих и многими благодеяньми, чудесно содеянными и содеваемыми тобою, уверившеся,

исповедуем, яко имаши велию благодать у Господа Бога нашего, и, всесмиренно ко твоему благосердию припадающе, тебе молимся сице:

моли о нас Христа Бога нашего, да низпослет всем чтущим святую память твою и усердно к тебе прибегающим богатыя милости Своя;

да утвердит во святей Своей Православней Церкви живый дух правыя веры и благочестия, дух ведения и любве, дух мира и радости о Дусе Святе, да вся чада ея,

чиста суща от мирских искушений и плотских похотей и злаго действия злых духов, духом и истиною покланяются Ему, и усердно о соблюдении заповедей Его ко спасению душ своих да потщатся.

Пастырем ея да даст Господь святую ревность попечения о спасении людей, во еже неверующия просветити, неведущия наставити, сомнящияся вразумити,

отпадшия от Православныя Церкве к ней возвратити, верующия в вере соблюсти,

грешныя на покаяние подвигнути, кающияся утешити и во исправлении жизни утвердити, и тако вся люди ко уготованному вечному Царству святых Его привести.

Умоли Господа, угодниче Христов:

верных рабов Его, в скорби и печали день и нощь вопиющих к Нему, многоболезенный вопль да услышит и да изведет от погибели живот наш.

Всем же в державе людем да дарует благий Бог наш мир, тишину, безмятежие и изобилие плодов земных, паче же ко исполнению заповедей Его тщание неленостное;

и да избавит царствующия грады, град сей и вся иныя грады и веси от глада, труса, потопа, огня, меча, нашествия иноплеменных, междоусобныя брани, смертоносныя язвы и от всякаго зла.

Ей, святителю Божий, да устроиши молитвами твоими вся благая душам и телесем нашим;

да и мы прославим в душах и телесех наших Господа и Бога нашего, Иисуса Христа, Емуже со Отцем и Святым Духом слава и держава во веки веков.

Аминь.

Молитва о благополучии детей Митрофану Воронежскому

О святителю отче Митрофане!

Приими сие малое моление от нас, грешных раб Божиих (имена), к тебе прибегающих, и теплым твоим предстательством умоли Господа и Бога нашего, Иисуса Христа,

яко да призрев на ны милостивно, подаст нам согрешений наших вольных и невольных прощение и избавит нас от бед, печалей, скорби и болезней душевных и телесных, обдержащих нас;

да подаст вся на пользу настоящаго жития нашего потребная;

да дарует нам скончати житие сие привременное в покаянии и да сподобит нас, грешных и недостойных, Небеснаго Царствия Своего,

во еже со всеми святыми славити Его безконечное милосердие, со Безначальным Его Отцем и Святым и Животворящим Его Духом, во веки веков.

Аминь.

Краткая молитва Митрофану Воронежскому на всякую потребу

О архиерею Божий, святителю Христов Митрофане, услыши мя, грешнаго (имя), в час сей, в оньже тебе моление приношу, и помолися о мне грешнем ко Господу Богу, да отпустит грехи моя и подаст (содержание прошения) молитвами, святе, твоими.

Оцените статью
Иисус Христос
Добавить комментарий

Adblock
detector