Молитва Косме и Дамиану

Молитва

Косма и Дамиан воспитывались в христианской семье. От своей веры и любви к Господу они не отказались даже тогда, когда последователи Христа подвергались гонению. За это талантливые врачеватели-целители и просто благочестивые люди, расплатились собственными жизнями.

Принявшие мученическую смерть, Косма и Дамиан продолжают помогать всем, кто нашел в сердце место для Бога, всем, кто нуждается в его покровительстве. В молитве, обращенной к святым, можно просить избавления от тяжких хворей, дарования мудрости и прочих земных благ, если те не перечат законам, установленным Всевышним.

Текст молитвы

О чудотворцы славнии, врачеве безмезднии, Космо и Дамиане!

Вы от юности Христа Бога возлюбивше и Того повеления всем сердцем соблюдающе, аще и вдасте себе учению врачебному,

но добродетельнаго ради жития и чистоты душевныя, силою Христа Бога, не врачевания токмо искусство, но паче неоскудную благодать исцеления всяких неисцельных недугов от Бога прияли есте.

Отонюдуже любовию и милосердием к недугующим подвизаеми, не токмо людем, но и скотом исцеления болезней подаваете, неисчетным множеством чудес ваших весь мир наполняете, и не телесныя токмо недуги исцеляете,

но и верою Христовою души просвещаете, в терпении болезней укрепляете, в тяжких недузех о исправлении жития вразумляете и ко Христу покаянием привлекаете.

Темже ныне и нас, припадающих к вам пред честною иконою вашею, скоро услышите.

Юныя дети, вашей помощи во учении книжнем просящия, вашими молитвами наставите, да вашему житию ревнующе, не земное точию научение приобрящут, но паче во благочестии и правой вере непрестанно да преспевают.

На одре болезни лежащим, человеческия помощи отчаянным, к вам же тепле с верою и усердною молитвою прибегающим, исцеление болезней вашим милостивым, чудодейственным посещением даруйте.

Многажды в болезни впадающия и от лютых недуг в уныние, малодушие и роптание пришедшия, данною вам от Бога благодатию в терпении утвердите, и наставите,

да уразумеют волю о них Божию святую и совершенную, и сами себе и живот свой воле Христа Бога предают.

В недузех сущих, о исправлении же жития нерадящих, в гресех не раскаивающихся, сердцем ожесточенных, сокрушите во спасение и к покаянию призовите,

да немощни суще телом, здрави пребудут душею, и причастницы соделаются Божия спасительныя благодати.

Братию святаго храма сего, вашему святому заступлению от Бога врученную, и всех к вам усердно прибегающих невредимы сохраните от долгонедужия, от болезней лютых и неисцельных,

от разслабления тела, от исступления ума, от смертоносныя язвы, от внезапныя смерти,

и мощным ходатайством вашим к Богу соблюдите в правой вере твердых, во благочестии преспеющих, в добрых делех усердных, в молитве к Богу прилежных,

да с вами вкупе сподобятся в будущем веце присно воспевати и славити всесвятое и великолепое имя Отца и Сына и Святаго Духа во веки веков.

Аминь.

Оцените статью
Иисус Христос
Добавить комментарий

Adblock
detector