Молитвы Иоанну Предтече (Крестителю)

Молитва

Иоанн Предтеча – личность, к которой в христианстве относятся с большим уважением. Удивляться этому не стоит, учитывая статус данного праведника – «предшественник Иисуса Христа». Для православных Предтеча по важности идет следующим после самой Девы Марии, а это уже говорит о многом.

Восседая подле Всевышнего, Иоанн Креститель отвечает на все искренние, угодные господу молитвенные прошения. С его помощью можно избавиться от тяжкой болезни, успокоить сердце и нервы, избавиться от вредной привычки (начиная с привычки курить сигареты, заканчивая привычкой регулярно употреблять алкоголь).

Молитва первая

Крестителю Христов, проповедниче покаяния, кающагося не презри мене, но совокупляяся с вoи Небесными,

молися ко Владыце за менe, недостойнаго, унылаго, немощнaго и печальнаго, во многия беды впaдшаго, утруждeннаго бурными пoмыслы ума моего.

Аз бо есмь вертеп злых дел, отнюдь не имeяй конца греховному обычаю, пригвождeн бо есть ум мой земным вещeм.

Что сотворю? Не вем.

И к кому прибегну, да спасeна будет душа моя?

Токмо к тебе, святый Иоанне, благодати тезоимените, яко тя пред Господем по Богородице вем больша быти рожденных всех,

ибо ты сподобился еси коснутися верхy Царя Христа, взeмлющаго грехи мира, Агнца Божия.

Егoже моли за грешную мою душу, да понe отныне, в первыйнaдесять час, понесу тяготу благую и приму мзду с последними.

Ей, Крестителю Христов, честный Предтече, крайний Пророче, первый во благодати мучениче, постников и пустынников наставниче, чистоты учителю и ближний друже Христов!

Тя молю, к тебе прибегаю: не отрини мене от твоего заступления, но возстави мя, падшагося многими грехи.

Обнови душу мою покаянием, яко вторым крещением, понeже обоегo начальник еси: крещением омывaяй прародительный грех, покаянием же очищaяй коегождо дело скверно.

Очисти мя, грехами осквернeннаго, и понyди внити, aможе ничтоже скверно входит, в Царствие Небесное.

Аминь.

Молитва вторая

Святый Предтече и Крестителю Христов Иоанне!

Проповедник сый покаяния, кающихся не презри нас, но молися ко Владыце Христу за нас, недостойных рабов, унылых, немощных, во многия грехи впадших.

Смерти убо чаем, о гресех же наших николиже поболехом и о Царствии Небеснем не попекохомся:

но не презри нас, Крестителю Христов, честный Предтече, болий рожденных всех, постником и пустынником наставниче, чистоты учителю и ближний друже Христов.

Тя молим, к тебе прибегаем:

не отрини нас, просящих твоего заступления, обнови души наша покаянием, еже есть второе крещение:

твоим ходатайством пред Господем испроси нам очищение грехов.

Уста недостойная вопиют к тебе, и душа смиренная молится, сердце сокрушенное из глубины воздыхает:

простри пречистую твою десницу и защити нас от враг видимых и невидимых.

Ей, Господи Иисусе Христе!

Молитвами святаго Иоанна Крестителя Твоего, изряднее же Пречистыя Твоея Матери, Владычицы нашея Богородицы, спаси нас, грешных рабов Твоих, кающихся о гресех.

Ты бо еси Бог кающихся, и на Тя, Спасителя, возлагаем надежду, славяще Пресвятое Имя Твое, со Безначальным Твоим Отцем, и со Пресвятым и Благим и Животворящим Твоим Духом, ныне и присно и во веки веков.

Третья молитва

Крестителю Христов честный Предтече, крайний пророче, первый мучениче, постников и пустынников наставниче, чистоты учителю и ближний друже Христов!

Тя молю, и тебе прибегая не отрини мене от твоего заступления, не остави мя падшего многими грехи;

обнови душу мою покаянием, яко вторым крещением;

очисти мя, грехи оскверненнаго, и понуди внити, иможе ничтоже скверно входит, в Царствие Небесное.

Аминь.

Молитва Иоанну Предтече от тюрьмы

Предтече и крестителю Христов Иоанне, проповедниче покаяния!

Ты неповинне всажден был еси в темницу:

аз же, вверженный в злоключение сие, достойное по делом моим приемлю, яко преступник правды и закона.

Всели в мое сердце чувство покаяния о гресех моих!

Несть бо ни единыя злобы ни беззакония, ихже аз, окаянный, не содеях; престрашни греси мои.

Учителю правды!

Научи мя право глаголати о мне самом пред судиями.

Не преставаяй и в темнице обличати беззаконнаго Ирода, даруй ми, да наипаче зде обличает мене совесть моя,

да от обличении ея не возмогу на долзе времени утаити мое преступление.

Аще же осужден буду понести наказание, даруй ми быти терпеливу, якоже ты сам терпеливно несл еси усекновение главы твоея, желанное от Иродиады.

Ей, Крестителю Христов!

Простри ми, рабу твоему, руку, крестившую Христа Спасителя моего, да мя извлечеши из глубины погибели.

Ты еси больший всех в рожденных женами, ты еси первый по Богородице, праведник между человеки.

Сего ради прибегаю к тебе аз, имеяй потребу в велицем ходатае, яко велик есмь грешник.

Убо и да осенит мене, недостойнаго, благодать твоя, Предтече Господень.

Аминь.

Оцените статью
Иисус Христос
Добавить комментарий

Adblock
detector