Молитвы Иакову Железноборовскому

Молитва

О житие Иакова Железноборовского, жившего на земле во второй половине 14 века, известно не так много, как о житие других святых. Однако, от этого почитать данного праведника меньше не стали. До смерти Иаков совершал немало чудес, творить их он продолжает и после кончины.

Мощи святого способны исцелить, даровать другие земные блага. Однако, чтобы получить заступничество Иакова Железноборовского, прикладываться к ним вовсе необязательно. Помочь, способна простая молитва. В ней можно просить поддержки в разных начинаниях, укрепления здоровья (особенно, если болезнь коснулась опорно-двигательного аппарата) и не только.

Молитва первая

Преподобне и богоносне отче наш Иакове!

Приими ныне нас, тебе усердно молящихся и припадающих ко всечестному и многоцелебному твоему гробу, идеже святое твое и многотрудное покоится тело.

Духом же на небесех предстоя Святей Троицы со ангелы и преподобных отцев лики, молися о нас, чадех твоих, отче, да избавимся от всяких скорбей, болезней, бед и обстояний,

и благочестно поживем в настоящем житии, ходяще в заповедех и оправданиих Господних безпорочно, и да явимся последователи святому и равноангельскому житию твоему.

Ей, преподобне отче, молим тя, испроси нам же и всем, с верою к тебе притекающим, грехов прощение, телесем здравие, исправление жития и вечное спасение,

яко да твоим предстательством спасение, славу возсылати сподобимся в Троице славимому Богу, Отцу, и Сыну, и Святому Духу, ныне и присно, и во веки веков.

Аминь.

Молитва вторая

О преподобне и богомудре отче наш Иакове!

Вемы, яко с лики ангельскими и всеми святыми предстоиши присно престолу Господа Вседержителя и велие имаши к Нему дерзновение молитися о всех, с верою и умиленными слезами в помощь тя призывающих.

Не премолчи убо, вопия за ны недостойныя ко Господу Богу, да отвратит гнев Свой, праведно за беззакония наша на ны движимый,

и да избавимся всяких скорбей, бед же и напастей, и злых обстояний, и благочестно поживем в нынешнем веце, ходяще в заповедех и оправданиих Господних непорочно.

О преблаженне и боголюбезне отче наш Иакове!

Умоли Господа, да не оскудеют в обители твоей истиннии ревнители иноческаго жития и подражатели святому и богоугодному житию твоему:

сохрани предстательством твоим к Богу обитель и страну сию от огня, глада, меча, нашествия иноплеменных и от всякаго зла,

и всем с верою и любовию притекающим в твою обитель испроси у Господа Бога грехов прощение, телесем здравие, исправление греховнаго жития и вечное спасение:

да с тобою и всеми святыми сподобимся прославляти в Троице славимаго Бога, Отца, и Сына, и Святаго Духа, во веки веков.

Аминь.

Молитва третья

О богоблаженне и преподобне отче Иакове!

Испроси наших согрешений прощение, отжени от нас, раб Божиих (имена), облак страстей, просвети наши душевныя очи, и гугнивый язык исправи, смысл очисти и разум освяти.

Прииди посреде нас невидимо и от всех нас моления Богови возсылаемая приими и донеси сия ходатайственне всех Творцу и Избавителю в Троице Святей покланяемому Истинному Богу нашему,

яко да согрешением нашим оставление получим, благодатию и человеколюбием Господа нашего Иисуса Христа, с Нимже Отцу слава со Святым Духом, ныне и присно и во веки веков.

Оцените статью
bogiisus.com
Добавить комментарий