Молитвы Артемию Веркольскому

Молитва

То, что Артемию Веркольскому суждено войти в лик святых, было понятно еще тогда, когда он был ребенком. С малых лет от старался во всем быть полезным окружающим. Воспитывался праведный в страхе Божьем. Для других Артемий был примером того, как нужно служить Господу. За это Всевышний даровал ему уникальный талант, способность творить чудеса.

Артемий Веркольский – святой, у которого в молитвенном разговоре можно просить избавления от скорбей и телесных недугов. Обращаться к нему желательно регулярно. Делать это можно, как в храме, так и в домашних условиях. Не лишним при этом будет держать перед собой образ заступника.

Молитва первая

О, великославный угодниче Божий, о, великий чудотворче, святый и праведный Артемие, херувиме земный, человече небесный, ангелов собеседниче, небесный жителю!

Призри с высоты небесныя светлым оком твоим, и низпосли нам лучи Божия благодати.

Светильниче Боговозжженный, твоими святыми молитвами разжени мрак грехов наших, испроси у Отца светов свет благодати душам нашим, всех правоверных скорый быв помощник и заступник.

Всяк бо, с верою под кров защищения твоего молитвенно притекаяй и заступления твоего у Господа просяй, абие пособствуем бывает, Божию же милость обретает и желания сердца своего не лишается, но просит благодати и приемлет Дар на пользу прошения.

Ты еси, праведный Артемие, вертоград Богом насажденный, в немже цвет здравотворный процвете, еже исцелятися многим от зельнаго трясавичнаго недуга.

О, коль мнози твоею чудесною помощию слепии прозреша, глусии слух прияша, хромии возскочиша и ходяша, немощнии действо рук прияша, безумнии воумишася, разслабленнии в жилах укрепишася, сляченнии исправишася и имущии вреды исцелеша!

Еще же и сквернии демони молитвою твоею отогнашася, и инии неисцельнии недузи разрешишася.

Тако, святый и праведный Артемие, всем всегда милостив являешися.

Убо и о нас неисповедимую Божию благость умоли, да оставит нам Господь долги наша, и да хранит государство Российское в мире и благоденствии, в крепости и обилии, и веру православную да укрепит, церковныя же расколы да утолит, и вся православныя христианы да спасет.

Мы же твою память святую от рода в род честно праздновати будем, славяще прославльшаго тя Христа Господа, Емуже подобает всякая слава, честь и поклонение, со Безначальным Отцем и со Пресвятым и Благим и Животворящим Духом, ныне и присно и в безконечныя веки веков.

Аминь.

Молитва вторая

Святый угодниче Божий, Артемие праведный, присный хранителю святыя веры Православныя и всего севернаго края Российския страны близкий защитниче!

Призри милостивно на усердную молитву нас, грешных, и твоим благомощным предстательством испроси нам у Господа прощение согрешений наших, преспеяние в вере и благочестии и ограждение от козней диавольских.

Моли Господа, да хранит во здравии православных христиан, да подаст и всем людем, стране нашей мир, тишину и нелицемерное послушание, да сподобит всех нас получити, по христианстей кончине.

Небесное Царствие, идеже вси праведнии, купно с тобою, присно славят Отца и Сына и Святаго Духа.

Аминь.

Молитва третья

О, великий угодниче Божий, святый праведный Артемие, покровителю святыя обители, твоим именем красующияся и всех православных христиан сильный ходатаю о нас ко Господу, великий благодетелю живущих зде иноков твоея обители и всех с верою и любовию притекающих к раце чудотворных мощей твоих!

Призри милостивно на убогую молитву нас, грешных и непотребных рабов, и твоим всемощным предстательством испроси нам у Господа прощение грехов, преспеяние в вере и благочестии и ограждение от козней супостата, ищущаго нас погубити.

Даруй братству твоей обители, от старших до последних, смирение и кротость, любовь и послушание вседушное, служение и житие благоговейное, святое и во всем верное и благодушное исполнение иноческаго общежития,

да, работающе Господеви непостыдно и духом горяще в непрестанней молитве за благотворителей наших живых и усопших, явимся верными рабами Господа, добре делающими вверяемыя нам таланты!

Моли Господа, да Церковь Православная всея России, яко вертоград благонасажденный, цветет и плодотворит богато плодами веры и благочестия!

Моли Господа, да ходатайством и заступлением Преблагословенныя Владычицы нашея Богородицы все мы зде мирное и богоугодное житие поживем и по мирней христианстей кончине сподобимся в Преславнем Царствии милости Царя неба и земли, Отца и Сына и Святаго Духа славяще Его ныне и присно и во веки веков.

Аминь.

Оцените статью
Иисус Христос
Добавить комментарий

Adblock
detector